ՆԱՏՕ-ն Լիբիայում արևմտյան ուժերի վերաբերյալ որոշման կայացումը հոկտեմբերի 26–ից տեղափոխել է 28-ը: Այս մասին հաղորդում է իտալական Agenzia Giornalistica Italia (AGI) տեղեկատվական ընկերությունը:
Նրանց այդ հարցում համոզել են նոր իշխանությունները։ Ազգային անցումային խորհուրդը խնդրել է արևմտյան ուժերին երկարաձգել գործողությունները ևս երկու ամիս:
ՆԱՏՕ-ի պաշտոնական ներկայացուցիչ Կարմեն Ռոմերոն հայտարարել է, որ ալյանսը շարունակում է հետևել Լիբայում ծավալվող դեպքերին: Ըստ նրա՝ ԱԱԽ-ին հաջողվում է երկրի իշխանությունը կենտրոնացնել իր ձեռքերում: Նույն կարծիքն է արտահայտել նաև գեներալ-լեյտենանտ Շառլ Բուշերը, ով հայտարարել է, որ բացառվում է նախկին առաջնորդի կողմնակիցների վերադարձն ու պայքարի շարունակվելը: