Ինչպես հաղորդում է РИА Новости գործակալությունը, Ռիո դե Ժանեյրոյում սկսվել է աշխարհում ամենամեծ` պողպատե կոնստրուկցիաներից պատրաստվող լողացող եղևնու կառուցումը: Սուրբ Ծննդյան գլխավոր խորհրդանշ եղևնին լճի ամենագեղատեսիլ վայրերից մեկում տեղադրելու գաղափարն առաջին անգամ կյանքի է կոչվել 1996 թ.:
Այդ ժամանակից ի վեր լողացող եղևնին Կորկովադու բլրի վրա գտնվող Հիսուս Քրիստոսի հայտնի արձանի հարևանությամբ 16 տարում աճել է գրեթե կրկնակի` 48 մետրից հասնելով 85-ի`դառնալով Ռիո դե Ժանեյրոյի և Բրազիլիայի ամենագլխավոր խորհրդանիշներից մեկը:
Ներկայումս աշխատանքներ են ընթանում Ռիոյի հարավային Լագոա լճափին լողացող պոնտոնների կառուցման շուրջ: Պողպատե եղևնին կշռելու է ավելի քան 500 տոննա, դրա պատրաստման ժամանակ օգտագործվելու են հատուկ բարձրակարգ էկրաններ:
Լողացող եղևնու բացումը նախատեսված է նոյեմբերի 26-ին: Հրաշք եղևնին իր լույսերը կվառի ամեն երեկո` բոլոր Ծննդյան ու ամանորյա տոների ժամանակ: Նրա գագաթին տեղակայված հատուկ էլէկտրոնային զանգից կհնչեն Սուրբ Ծննդյան մեղեդիներ:
