Առավոտյան վարորդը դուրս է եկել Հայզելվինդ քաղաքից մոտակա մայրուղին ու պետք է գնար Նյուրնբերգի ուղղությամբ: Վարորդը, սակայն, չի կարողացել ղեկավարել մեքենան, որի մեջ գտնվել են գինու շշեր: Բեռնատարը շրջվել է, գինին` ողողել մայրուղին,- գրում է գերմանական Spiegel պարբերականը:
Ոստիկանությունը պարզել է, որ վարորդն այդ ժամանակ եղել է անսթափ վիճակում: Առաջին թեստի ժամանակ նրա արյան մեջ հայտնաբերվել է 1,5 պրոմիլ ալկոհոլ:
Վյուրցբուրգի դատախազը նշանակել է ևս մեկ բժշկական հետազոտություն:
Վարորդը վթարից չի տուժել: Վթարի պատճառով ոստիկանությունը ստիպված է եղել դադարեցնել երթևեկությունը ճանապարհի մի քանի կիլոմետրանոց մասում:
Նախնական գնահատականների համաձայն` վթարի հետևանքով պատճառվել է 50 հազար եվրոյի վնաս:
