Մեծ Բրիտանիայի խորհրդարանի պատգամավորները երկուշաբթի ձայների ճնշող մեծամասնությամբ (650-ից 483) դեմ են քվեարկել Եվրամիությունից դուրս գալու հանրաքվեի անցկացմանը:
Ինչպես հաղորդում է Reuters գործակալությունը, կառավարությունը վերջին օրերին կոչ էր անում պատգամավորներին մերժել հանրաքվեի հարցը` այն համարելով անժամանակ: Այնուամենայնիվ, վերլուծաբանները կարծում են, որ այսօրվա խորհրդարանական քննարկումների արդյունքները վկայում են իշխող պահպանողական կուսակցության պառակտման մասին. հանրաքվեի օգտին քվեարկել է 111 պատգամավոր, այդ թվում՝ մոտ 70 պահպանողական:
Վերջերս անցկացրած սոցիոլոգիական հարցման ժամանակ բրիտանացիների 49%-ը պաշտպանել է ԵՄ-ից դուրս գալու որոշումը: Անդամակցության պահպանմանը կողմ է եղել բնակչության 40%-ը:
