Հնդկական ոսկերչական Gitanjali Group ընկերությունը մտադիր է ավտոմատ սարքերում ոսկյա և արծաթյա զարդեր վաճառել: Այդ մասին հայտնում է Antwerp Facets հրատարակչությունը: Երեք տարիների ընթացքում Gitanjali ընկերությունը նմանատիպ 75 ավտոմատ սարքեր է տեղադրել առևտրային կենտրոններում, օդանավակայաններում և տաճարներում:
Gitanjali ավտոմատ սարքավորումներից օգտվողները կկարողանան գնումներ կատարել ինչպես կրեդիտային քարտերով, այնպես էլ՝ կանխիկ: Յուրաքանչյուր ավտոմատում կներկայացվի 36 տեսակի զարդ` տարբեր չափսերի և գների` 20-600 դոլարի սահմաններում:
2009 թվականից որոշ երկրնում տեղադրվել են այդպիսի ավտոմատ սարքավորումներ, որտեղ վաճառվել է ոսկի: Նմանատիպ առաջին ավտոմատը հայտնվել է Գերմանիայում, ապա՝ Իտալիայում, Իսպանիայում, ԱՄՆ-ում, ԱՄԷ-ում և Մեծ Բրիտանիայում: Antwerp Facets –ը նշում է, որ Չինաստանում ևս կան այսպիսի սարքեր:
