Չինացի արտադրողների սխալի պատճառով բրիտանացին ստացել է հողաթափ, որի մեջ, առանց որևէ դժվարության, ինքն ամբողջությամբ կարող է տեղավորվել։ Ինչպես հաղորդում է The Daily Telegraph պարբերականը, տղամարդը պատվիրել է իր համար կարել ոչ ստանդարտ չափսի հողաթափ, և արտադրողից ստացել է մեկ նորմալ և մեկ հսկայական չափի հողաթափ: Երկու հողաթափերն էլ ունեն արջի թաթի տեսք, մեկը մեծ, մյուսը փոքր։
Բանն այն է, որ լոնդոնցի Թոմ Բոդինգհեմը ոտքի ոչ ստանդարտ չափ ունի: Նրա մի ոտքը 48 համարի (բրիտանական ստանդարտով՝ 13) է, մյուսը՝ 49 (14.5)։ Չնացի արտադրողները կարել են 1450 համարի հողաթափ՝ 210 x 130 x 65 սմ չափսերով։
Բոդինգհեմը պատրաստվում է հողաթափը վաճառել համացանցում և ուրախ կլինի, եթե դրա համար ինչ-որ գումար ստանա:
Monster Slippers ընկերության ներկայացուցիչը ներողություն է խնդրել Բոդինգհեմից և հայտնել, որ դա տեղի է ունեցել սխալ թարգմանության պատճառով։ Նա վստահեցրել է, որ իրենք Բոդինգհեմի համար նոր հողաթափ կկարեն:
