Ադրբեջանական Salam News գործակալության փոխանցմամբ՝ ադրբեջանցի քաղաքագետ Ռասիմ Աղաևը հայտարարել է, որ Ռուսաստանը մտահոգ է Հարավային Կովկասում գունավոր հեղափոխությունների իրագործման հավանականությունից.
«Հոկտեմբերի վերջին կայանալիք Հայաստանի և Ռուսաստանի նախագահների հանդիպումը պայմանավորված է պաշտոնական Մոսկվայի նմանատիպ մտահոգություններով։ Արևմուտքը որոշակի ակտիվություն է դրսևորում Հարավային Կովկասի շուրջ։ Հայաստանն էլ տվյալ տարածաշրջանում Ռուսաստանի ակնհայտ դաշնակիցն է։
Բնականաբար, Ռուսաստանը ներկայումս ստիպված է որոշակի քայլեր ձեռնարկել, երբ Արևմուտքն ակտիվացել է այդ տարածաշրջանում՝ փորձելով ավելացնել իր ազդեցությունը և Մոսկվայից խլել նախաձեռնությունը։ Խոսքը Հարավային Կովկասի սահմաններին նոր աշխարհաքաղաքական փոփոխությունների մասին է։ Հայաստանի և Ռուսաստանի նախագահների առաջիկա հանդիպումը պետք է դիտարկել իրավիճակն իր օգտին փոխելու Մոսկվայի փորձերի ձեռնարկման համատեքստում»։
