Իրանի նախագահ Մահմուդ Ահմադինեժադը Al Jazeera հեռուստաընկերության հետ ունեցած հարցազրույցի ընթացքում, անդրադառնալով օրեր առաջ ԱՄՆ իշխանության կողմից Իրանին Սաուդյան Արաբիայի դեսպանի դեմ մահափորձ կատարելու համար մեղադրանքներ ներկայացնելու խնդրին և հերքելով դրանք, նաև հայտարարել է, որ իրանական իշխանությունները այդ առնչությամբ անգամ հետաքննություն չեն անցկացնի, որովհետև ԱՄՆ իշխանությունները ամեն օր մի նոր մեղադրանք են հնչեցնում Իրանի դեմ, ու եթե իրենք փորձեն բոլորի հարցով հետաքննություն իրականացնել, ողջ աշխատանքային գրաֆիկը կհագենա դրանով:
Հատկանշական է, որ, թեև Ահմադինեժադը մերժում է հիշյալ ահաբեկչության փորձի շուրջ հետաքննություն իրականացնել, սակայն ԱԳ նախարար Ալի Աքբար Սալեհին ԱՄՆ իշխանություններից պահանջել է այդ դեպքի մասին բոլոր տեղեկությունները տրամադրել Իրանի կառավարությանը, որ բոլոր մանրամասնությունները հետաքննվեն:
