Ադրբեջանական Salam News գործակալության փոխանցմամբ՝ Ադրբեջանի Միլլի մեջլիսի (խորհրդարան) փոխխոսնակ, ԵԱՀԿ ԽՎ-ում ադրբեջանական պատվիրակության ղեկավար Բահար Մուրադովան այսօր հայտարարել է, որ ԵԱՀԿ Մինսկի խմբի համանախագահները շահագրգռված չէին ԵԱՀԿ ԽՎ-ում Ղարաբաղյան հիմնախնդրի քննարկմամբ.
«Մեր ցուցաբերած կամքի ու ջանքերի արդյունքում ադրբեջանական կողմին հաջողվեց ապահովել համանախագահների ներկայությունը և նրանցից պահանջել խորհրդարանականներին ներկայացնել իրենց դիրքորոշումները Ղարաբաղյան հակամարտության կարգավորման վերաբերյալ։
Տարածաշրջանի խնդիրների մասին նրանց իրազեկեց ԵԱՀԿ գործող նախագահի անձնական ներկայացուցիչ Անջեյ Կասպրշիկը։ Խորհրդարանականները ԵԱՀԿ Մինսկի խմբի համանախագահներին կոչ արեցին ակտիվացնել հակամարտության շուտափույթ կարգավորման ուղղությամբ իրենց ջանքերը»։
