Հոկտեմբերի 28-ին կայանալու է Հայ ազգային կոնգրեսի հանրահավաքը, որն առաջինն է` մեկշաբաթյա շուրջօրյա-հանրահավաքներից հետո:
ՍԴՀԿ ատենապետ, ՀԱԿ անդամ Լյուդմիլա Սարգսյանն այսօր լրագրողների հետ հանդիպման ժամանակ նկատեց, որ շուրջօրյա հանրահավաքները որոշակի ստուգատես էր` թե ՀԱԿ ղեկավարության, թե իրենց համակիրների համար:
Նրա խոսքերով` իրենք տեսան, որ կա ժողովրդական զանգված, որը պատրաստ է պայքարելու: ԸստՍարգսյանի, այդ ամենը ցույց տվեց, որ ՀԱԿ-ի շարքերն այնքան ամուր են, որ անգամ ցուրտը չի կարող նրանց հուսահատեցնել և հետ պահել պայքարից:
Լյուդմիլա Սարգսյանն ընդգծեց, որ հոկտեմբերի 28-ի հանրահավաքն ավելի հզոր է լինելու, և ՀԱԿ-ը կարողանալու է ժողովրդական զանգվածների լայն ճնշման տակ հասնել Սերժ Սարգսյանի հրաժարականին: Նա նաև չբացառեց, որ էլի շուրջօրյա հանրահավաքներ կլինեն: