Ամերիկյան The Wall Street Journal օրաթերթի հաղորդմամբ՝ ԱՄՆ պետքարտուղարությունը Սաուդյան Արաբիայի դեսպանին ահաբեկելու փորձի առնչությամբ ուղղակի կապ է հաստատել Իրանի իշխանությունների հետ:
ԱՄՆ իշխանությունները Իրանին մեղադրում են ԱՄՆ-ում Սաուդյան Արաբիայի դեսպանի դեմ մահափորձ իրականացնելու գործում։ Մինչդեռ Իրանի իշխանությունները հերքում են դա:
ԱՄՆ պետական մի պաշտոնյա, որը բացահայտվել չի ցանկացել, LA Times օրաթերթին հայտնել է, որ Իրանի առաջնորդ Այաթոլլահ Խամենեին անձամբ է հաստատել այդ գործողությունը, բայց հնարավորություն չկա, որ նա բացահայտ խոսի այդ մասին:
Սակայն ամերիկացի մի շարք փորձագետներ արդեն իրենց կասկածն են հայտնել ԱՄՆ իշխանության կողմից Իրանի դեմ տարածված մեղադրանքի առնչությամբ և կառավարությունից պահանջել են ամբողջությամբ հրապարակել բացահայտված գործողության տեղեկատվությունը։
