Ամերիկյան Փենսիլվանիա նահանգի կենտրոն Հարիսբերգ քաղաքը հայտարարել է իր սնանկացման մասին: Ինչպես հաղորդում է Reuters գործակալությունը, տեղի իշխանություններն այդպիսի քայլի են դիմել, քանի որ այլևս ի վիճակի չեն իրականացնել իրենց պարտավորությունները վարկատուների առաջ:
Իմանալով Հարիսբերգի սնանկացման մասին՝ նրա ավանդատուները, որոնք հիմնականում Ուոլ Սթրիթի ֆինանսական կորպորացիաներն են, 6 դատական հայց են ներկայացրել նրա դեմ: Սակայն պաշտոնյաներն ի վիճակի չեն վերադարձնել շուրջ 300 մլն դոլարի հասնող պարտքը, քանի որ դա մի քանի անգամ գերազանցում է Հարիսբերգի բյուջեն, և այն մարել հնարավոր է միայն սոցիալական վճարումներից, բժշկական ծառայություններից և այլ անհրաժեշտ մունիցիպալ ֆունկցիաներից հրաժարվելու դեպքում:
Հարկ է նշել, որ Հարիսբերգի քաղաքապետը կտրուկ դեմ էր սնանկություն հայտարարելու դիմումին, քանի որ, նրա կարծիքով, այդ քայլը կարող է վտանգի տակ դնել քաղաքի ապագան, զրկել նրան վարկերից և խաչ քաշել որոշ տեղական նախագծերի վրա:
