Լեհաստանը ՆԱՏՕ-ի առաքելության շրջանակում 2026 թվականին կործանիչներ կուղարկի Էստոնիա՝ բալթյան հանրապետության օդային տարածքում պարեկության համար: Այդ մասին հայտարարել է Էստոնիայի պաշտպանության նախարար Հաննո Պևկուրը՝ Լեհաստանի պաշտպանության նախարար Վլադիսլավ Կոսինյակ-Կամիշի հետ հանդիպումից հետո:
«Ես ուրախ եմ հայտնելու, որ Լեհաստանը մտադիր է այս տարի մասնակցել օդային ոստիկանության առաքելությանը՝ իր կործանիչները տեղակայելով Էմարիի ավիաբազայում», – մեջբերել է նրա խոսքն ERR ազգային հեռուստառադիոընկերության լրատվական հարթակը:
Պևկուրն ընդգծել է, որ Տալլինն ու Վարշավան վերջին տարիներին զգալիորեն ամրապնդել են համագործակցությունը պաշտպանության և անվտանգության ոլորտում:
2025 թվականի մարտին Վարշավան կործանիչներ և մոտ 140 զինծառայող է տեղակայել Լիտվայի Զոկնյայի ավիաբազայում՝ բալթյան երկրների երկինքը հսկելու համար:
Բալթյան երկրների երկնքի վերահսկողությունը, որոնք դրա համար չունեն սեփական ռազմաօդային ուժեր, իրականացնում են ՆԱՏՕ-ի դաշնակիցները: 2004 թվականից դաշինքի անդամ երկրների կործանիչները ռոտացիոն հիմունքներով տեղակայված են Լիտվայի Զոկնյայի ավիաբազայում: 2014 թվականին առաքելության երկրորդ մասը տեղակայել են Էստոնիայի Իմարիի ավիաբազայում:
