Նյու Յորքի դատարանը սկսել է երդվյալ ատենակալների ընտրությունը՝ Վիկտոր Բուտի դատավարության համար: Հիշեցնենք, որ վերջինս եղել է սովետական սպա, ով հայտնի է նաև «Մահ վաճառող» անունով: Հետաքննությունը ենթադրում է, որ նա զբաղվել է զենքի առևտրով: Այս մասին հաղորդում է BBC-ն:
Բուտը ԱՄՆ է ուղարկվել անցած տարի, իսկ դրանից երկու տարի առաջ ձերբակալվել էր Թայլանդում՝ ամերիկյան գործակալների կողմից: Բուտին մեղադրում են «հող-երկինք» տեսակի հարյուրավոր հրթիռներ, ինչպես նաև հազար հրացան, պայթուցիկ նյութեր վաճառելու փորձի մեջ: Բուտն իր մեղքը չի ընդունում:
Ենթադրվում է, որ Վիկտոր Բուտն իր կապերի միջոցով զենք է մատակարարել Աֆղանստանին, Անգոլային, Կոնգոյի Դեմոկրատական Հանրապետությանը, Լիներիային, Սիերա-Լեոնեին և Սուդանին:
