Sporting Life-ի փոխանցմամբ՝ Իռլանդիայի հավաքականի և Մոսկվայի «Սպարտակ»-ի կիսապաշտպան Էյդըն Մաքգիդին այսօր Դուբլինում կայացող «Իռլանդիա-Հայաստան» խաղի նախաշեմին հայտարարել է, որ իրենց թիմն իր խաղով արժանի է խմբում երկրորդ տեղը զբաղեցնելուն.
«Երկրորդ տեղն այն տեղն է, որի համար այս մրցափուլում պայքարել է Իռլանդիան։ Տնային հանդիպման ժամանակ մենք չկարողացանք հաղթել Սլովակիային, սակայն միևնույն ժամանակ մենք կարողացանք չպարտվել Ռուսաստանում (երկու հանդիպումներն էլ ավարտվեցին գոլազուրկ 0։0 հաշվով.- 1in.am)։
Վերջին հանդիպման ժամանակ կշռեքի նժարի վրա շատ բան է դրված, դրա համար էլ մենք պետք է անենք ամեն ինչ մեր առջև դրված նպատակին հասնելու համար։ Եթե անցումային խաղերի ուղեգիրը բաց թողնենք մեր ձեռքից, ապա դա կլինի աղետ»։
