Այսօր երեկոյան ժ. 19:00-ին «Մոսկվա» կինոթատրոնում տեղի կունենա «Ես եմ» 6-րդ միջազգային երիտասարդական կինոփառատոնի բացման հանդիսավոր արարողությունը: Փառատոնը նվիրվում է Հայաստանի անկախության 20-ամյակին:
Փառատոնի կազմակերպիչներն են Հայաստանի մշակույթի նախարարությունը, Կինեմատոգրաֆիստների միությունը:
Փառատոնի փակումը տեղի կունենա հոկտեմբերի 15-ին՝ «Մոսկվա» կինոթատրոնում:
Կինոփառատոնի նպատակն է օժանդակել երիտասարդ ստեղծագործողներին և ինտեգրացիոն գործընթացների ձևավորմանը կինոյի ասպարեզում:
«Ես եմ» միջազգային երիտասարդական կինոփառատոնը 2007 թվականից ի վեր անցկացվում է երկու տարին մեկ:
Այս տարի փառատոնին ներկայացվել է շուրջ 112 ֆիլմ 16 երկրից` Հայաստան, Ռուսաստան, Ուկրաինա, Մոլդովա, Լիտվա, Լատվիա, Գերմանիա, Չեխիա, Սլովակիա, ԱՄՆ:
«Ես եմ» միջազգային երիտասարդական կինոփառատոնի հաղթողները կստանան Գրան պրի` «Լավագույն ֆիլմ», «Լավագույն ռեժիսորական աշխատանք», «Լավագույն խաղարկային աշխատանք», «Լավագույն օպերատորական աշխատանք», «Լավագույն վավերագրական աշխատանք», «Լավագույն ուսանողական աշխատանք», «Լավագույն անիմացիոն աշխատանք» անվանակարգերում:
Ֆիլմերը կցուցադրվեն «Կինոյի տանը»: