Ուկրաինայի նախագահ Վոլոդիմիր Զելենսկին հայտարարել է, որ Ուկրաինան կօգնի Միացյալ Նահանգներին Մերձավոր Արևելքում իրանական հարձակողական անօդաչու թռչող սարքերի դեմ պայքարում։
Նրա խոսքով՝ Ուկրաինան արդեն ստացել է Միացյալ Նահանգներից իրանական «Շահեդ» դասի անօդաչու թռչող սարքերից պաշտպանվելու հարցում աջակցության խնդրանք։
«Մենք Միացյալ Նահանգներից ստացել ենք Մերձավոր Արևելքում «շահիդներից» պաշտպանվելու հարցում կոնկրետ աջակցության խնդրանք։ Ես հանձնարարել եմ ապահովել անհրաժեշտ ռեսուրսները և ուկրաինացի մասնագետների ներկայությունը, որոնք կարող են երաշխավորել անհրաժեշտ անվտանգությունը», – գրել է Զելենսկին X-ի իր էջում։
Իրավիճակին ծանոթ աղբյուրի խոսքով՝ ուկրաինացի զինվորականներն ու մասնագետները կարող են սկսել աշխատանքը առաջիկա օրերին։ Նրանք, ինչպես սպասվում է, կօգնեն պաշտպանել ամերիկյան բազաները և զորքերը տարածաշրջանի մի քանի երկրներում։
