ԱԺ ՀՀԿ-ական պատգամավոր Հովհաննես Սահակյանը մեզ հետ զրույցում շնորհավորելով «Առաջին լրատվականի» մեկ տարին նշեց, որ կան մի շարք լրատվական կայքեջեր, որոնք իր համար ֆավորիտների ցանկում են, երբ նստում ես համակարգչի դիմաց և փորձում ինֆորմացիա վերցնել:
«Այսօր կարող եմ թվարկել 4-5 նման կայք, որոնցից մեկը, վստահաբար կարող եմ ասել, «Առաջին լրատվականն» է: «Առաջին լրատվականը» քանի որ մեկ տարեկան է, կցանկանայի նշել, որ բացառիկ դեպքում են մեկ տարում կայանում, ինչը այն աշխատանքի և այն թիմի արդյունքն է, որոնք հավաքվել են «Առաջինի» և մեկ գաղափարի շուրջ: Քաջ գիտակցելով, որ որպես առաջին ինֆորմացիոն աղբյուր՝ հանրությանը ինֆորմացնելու առումով պետք է լինեն անաչառ:
Թեպետ մեր լրատվական դաշտը, տարբեր կողմնորոշումների կամ տարբեր ազդեցությունների արդյունքում, ոչ միշտ է անաչառ, բայց այնուամենայնիվ լրագրողը նախևառաջ պետք է առաջնորդվի այդ սկզբունքով: Ես «Առաջին լրատվականի» լրագրողների հետ շփվելով, այդ մասին նաև իմ ընկերների և գործընկերների շրջապատում եմ ասել, կարողանում եմ ազատ շփվել, որովհետև քո խոսքը այլ ենթատեքստերով հետո դու ինքդ չես կարդա ու չես զարմանա՝ կարող է ասել եմ, բայց չեմ հիշում: Դա ամենակարևորն է:
Ինչևէ, ձեզ ցանկանում եմ շնորհավորել, ցանկանալ բազում և բազմահազարանոց ընթերցողներ: Ինչպես նաև մաղթում եմ, որ ձեր ինտերնետային կայքէջում միայն լինեն լավ լուրեր և լինեն այնպիսի լուրեր, ինչպես երեկ ժամը 11-ից հետո տեղադրվեց` հաղթանակների, բերկրանքների ու նման ավետիսների մասին շատ գրեք: Եվ մեր երկիրը այնքան զարգանա, որ քաղաքականությունը այլևս մեր հասարակությանը չհետաքրքրի»,- մաղթեց Հովհաննես Սահակյանը:
Իսկ ինչ վերաբերում է «Առաջինի» ձեռագրին՝ ավելացրեց. «Դա վստահությունն է և հանգստությունը: Ինչ առումով, որովհետև վստահ ես ու հանգիստ, որ քո խոսքը, քո կերպարը, քո քայլերը չեն դնի ու աղավաղի: Կարճ ձևակերպված՝ դա վստահությունն է և հանգստությունը»:
