Սիրիական զորքերը երեկ ներխուժել են Լիբանանի տարածք և գնդակահարել են խաղաղ բնակիչների ագարակները: Այս մասին France Presse գործակալությունը տեղեկացել է Լիբանանի անվտանգության ուժերից: Նրանց տեղեկություններով` սիրիական մի քանի զինվորական մեքենա հատել են Լիբանանի սահմանը Բեքաայի շրջանում, դրանցից դուրս են եկել զինվորականներ և կրակ բացել ագարակների ուղղությամբ` զգալի վնաս հասցնելով շինություններին:
Հրաձգության արդյունքում զոհվել է մեկ մարդ: ITAR-TASS գործակալությունը հաղորդում է, որ զոհվածը սիրիացի է, որ ապրում էր Լիբանանում իր լիբանանցի կնոջ հետ: Այս գործողությունը հետևել է Լիբանանի վարչապետ Միկատիի ավելի վաղ արված հայտարարությանը, որ Լիբանանի պարտքն է ապաստան տրամադրել սիրիացի փախստականներին:
Նշվում է նաև, որ այս շրջանում սահմանը հստակ գծված չէ, այդ պատճառով սիրիացիները հեշտությամբ հատում են այն: