Ալբանիայի Դուրես քաղաքում շարունակվում է 2025 թվականի շախմատի աշխարհի 14-18 տարեկան պատանիների և աղջիկների առաջնությունը: Այս մասին տեղեկացրել է Հայաստանի շախմատի ֆեդերացիան:
Մինչև 18 տարեկան պատանիների խմբում Վահե Սուքիասյանը 4 հնարավորից ունի 3.5 միավոր և կիսում է երկրորդ հորիզոնականը: Նույն տարիքային խմբում Ռոբերտ Փիլիպոսյանը և Ռուդոլֆ Փաշիկյանը ունեն 3 միավոր։
Մինչև 14 տարեկան պատանիների խմբում Մանվել Առաքելյանը ունի 3.5 միավոր և կիսում է երկրորդ հորիզոնականը: Նույն տարիքային խմբում Տիգրան Համբարձումյանը ունի 2.5 միավոր, իսկ Տիգրան Սողոմոնյանը՝ 2 միավոր:
Մինչև 16 տարեկան աղջիկների խմբում Անի Ավետիսյանը ունի 3 միավոր, իսկ Անահիտ Մկրտչյանը՝ 2.5 միավոր:
Մինչև 18 տարեկան աղջիկների խմբում Նվարդ Հայրապետյանը ունի 2.5 միավոր:
Մինչև 16 տարեկան պատանիների խմբում Վաչե Հովակիմյանը ունի 2 միավոր:
Մինչև 14 տարեկան աղջիկների խմբում Գաբրիելա Հարությունյանը ունի 2 միավոր:
Հաջորդ՝ 5-րդ խաղափուլը կմեկնարկի հոկտեմբերի 8-ին՝ Հայաստանի ժամանակով 17:00-ին:
