Այն բանից հետո, երբ Apple ընկերությունը ներկայացրեց նոր iPhone-ը ոչ թե iPhone5, ինչպես նախկինում կանխատեսվում էր, այլ iPhone4S, չինացիները խուճապի են մատնվել, քանի որ իրենք արդեն շուկա են հանել կեղծ iPhone5 հեռախոսներ: Այս մասին հաղորդում է MarketWatch-ը:
Չինաստանը միշտ աչքի ընկնում լավագույն բրենդները կեղծելով: Այս անգամ էլ չինացիները, հետևելով կանխատեսումներին, ստեղծել էին այդ սմարթֆոնի կեղծ տարբերակները` դրանք շնորհանդեսի օրը վաճառքի հանելու համար: Այդ հեռախոսներն արժեն 43 դոլար, մինչդեռ ավելի քիչ հիշողություն ունեցող նոր iPhone4S-ն արժե 199 դոլար: Փաստորեն, նոր հեռախոսների շնորհանդեսից դժգոհ էին ոչ միայն Apple-ի երկրպագուները, որոնք սպասում էին լրիվ նոր հեռախոսի, ոչ թե հնի նորացված տարբերակին, այլ նաև չինացիները, որոնք չեն կարողանալու վաճառել իրենց կեղծած սարքերը:
