«Առաջին լրատվական»-ի տեղեկություններով` երեկ գիշերը Աբովյան քաղաքում դաժան սպանություն է տեղի ունեցել: Սպանվածը` Հայկը, Արարատ տանող մայրուղու ստրիպ ակումբներից մեկի սեփականատերն է, ուժային կառույցներից մեկի նախկին աշխատակից:
Մեր աղբյուրի փոխանցմամբ՝ սպանության պատճառը եղել է ստրիպ ակումբի պարուհիներից մեկի համաժամանակյա ինտիմ կապը երկու ստրիպ ակումբների սեփականատերերի հետ: Նրանցից մեկը, որը Շենգավիթի տարածքում գտնվող ստրիպ ակումբի սեփականատերն է, իմանալով զուգընկերուհու` այլ անձի հետ ունեցած կապի մասին, հաշիվ մաքրելու է հրավիրել տուժողին, որտեղ էլ երկաթե լինգերով ծեծելով սպանել են նրան: Լուրեր կան, որ կոնկրետ իրականացնողը Շենգավիթի ստրիպ ակումբներից մեկի թիկնապահական ծառայության աշխատակից է, որը իր պատվիրատու շեֆի և ստրիպ պարուհու հետ միասին ձերբակալված է:
Տուժողը 35 տարեկան էր: Մանրամասները ճշտվում են:
