Այսօր «Եվրասիա համագործակցություն» հիմնադրամում տեղի ունեցավ «Դարձ ի շրջանս յուր» նախագծի շնորհանդեսը, որը իրականացվում է հիմնադրամի դրամաշնորհով: Ծրագիրը երկու բաղադիչներից է բաղկացած` վեբկայք և տեսաֆիլմ:
Նախագծի հեղինակ Տիգրան Պասկևիչյանն ասաց, որ նպատակը 1946-48 թթ. Համաշխարհային երկրորդ պատերազմից հետո Հայաստանի կոմունիստական ղեկավարների և Կրեմլի ղեկավարների փոխադարձ համաձայնությամբ կազմակեպված մեծ հայրենադարձությունն է։ Նրա խոսքերով՝ որևէ հետազոտող կամ պատմաբան դեռ սպառիչ պատասխան չի տվել` ինչու դա կազմակերպվեց, պատերազմի պատճառով Հայաստանի` Վրաստանի և Ադրբեջանի միջև մասնատվելու վտանգն էր, մյուս կողմից՝ աշխատուժի խնդիր կար և այլն, բայց այդպես էլ վերջանականապես պարզ չէ նպատակը: 46-49 թվականների ընթացքում ընդհանուր թվով շուրջ 95.400 մարդ է վերադարձել Հայաստան, իսկ մոտավորապես 300-500 հազար մարդ էլ անդամագրված է եղել վերադառնալու համար, բայց նրանց թույլ չի տրվել վերադառնալ:
Ակնկալվում է աշխարհում սփռված մեր հայրենակիցների ակտիվ մասնակցությունը: Տիգրան Պասկևիչյանը նաև ասաց, որ վեբկայքը կարող է լուրջ ռեսուրս դառնալ, որը կարող է հետագա հետազոտողների համար շատ օգտակար լինել: Վեբկայքը ունի տարբեր բաժիններ` գրքերի, ֆոտոարխիվների, անհատական ցուցակների բաժին, սփյուռքում այդ ժամանակ տպագրված նյութերի բաժիններ, և ամեն մեկը կարող է ուղարկել իր ընտանիքի պատմությունը, տրամադրել արխիվային փաստաթղթեր, լուսանկարներ և այլն:
Հարցին` ի՞նչ կոնկրետ խնդիր է դրված նման նախագիծ իրականացնելու համար, Տիգրան Պասկևիչյանը պատասխանեց, որ նպատակ էին դրել պարզել` ովքե՞ր էին այդ մարդիկ, ինչո՞ւ եկան, ինչո՞ւ գնացին և ի՞նչն է կոնֆլիկտը մարդու և հասարակության միջև, որովհետև այսօր արատագաղթի թեման գռեհկացվում է, թե մարդիկ հաց չունեին, դրա համար գնացին. «Շատերը կան, որ եկան ու չգիտեն՝ ինչո՞ւ եկան»,- ասաց Տիգրան Պասկևիչյանը:
«Այն տեղերում, որտեղ մեր ոտքը չի հասնի /ծրագրում միայն Ֆանսիան և Միացյալ Նահանգներն են/, մենք պատրաստվում ենք հարցազրույցներ անել սկայպով: Ավստրալիայում, Կանադայում կան հետաքրքիր մարդիկ, որոնց հետ կապ կհաստատենք»,- ասաց Տիգրան Պասկևիչյանը:
Վեբ կայք` www.hayrenadardz.org
[email protected]
