Կալիֆոռնիայի բանտերում իրենց պայմանները բարելավելու պահանջով հացադուլ հայտարարած դատապարտյալների թիվը հասել է 12 հազարի: Այս մասին գրում է The Los Angeles Times պարբերականը` վկայակոչելով նրանց փաստաբաններին:
Եթե այս տեղեկությունը հաստատվի, ապա այս հացադուլը կլինի բանտարկյալների ամենամեծ բողոքի ակցիան ԱՄՆ նորագույն պատմության մեջ: Ամերիկյան պատժամիջոցների իրականացման համակարգի ներկայացուցիչները, սակայն, հայտարարել են, որ այդ թիվն ուռճացված է: Իշխանությունների տվյալներով` հոկտեմբերի 3-ին ակցիային մասնակցել է 1245 մարդ 4 բանտերից, այն դեպքում, երբ սեպտեմբերի 29-ին նրանց թիվը 4252 էր: Իրավապաշտպանները, սակայն, հայտնում են, որ ակցիան ընթանում է միաժամանակ 8 բանտերում:
Կալիֆոռնիայի բանտարկյալների բողոքի ակցիան սկսվել է սեպտեմբերի 26-ին:
