Աֆղանստանում ամերիկյան զորքերի նոր հրամանատար գեներալ Ջոն Ալլենը CBS հեռուստաալիքին տված հարցազրույցում ասել է, որ իր ղեկավարած ստորաբաժանումները չեն լքի Կենտրոնական Ասիան ոչ միայն 2014-ին, այլ նույնիսկ ավելի ուշ:
«Ընդհանրապես, մենք ունենք հաղթելու ծրագիր: Ծրագիրը պետք է հաջողի: Մարդիկ կային, որ լսել էին, թե մենք Աֆղանստանը կլքենք 2014-ին, իսկ իրականում պատրաստվում ենք այստեղ մնալ ավելի երկար ժամանակ»,- ասել է Ալենը: Իրավիճակը Աֆղանստանում գնալով ավելի է սրվում: Չնայած ամերիկացիները հայտարարել էին, որ պատրաստվում են մինչև 2014 թ. այդ երկրի անվտանգության ապահովումը հանձնել Աֆղանստանի անվտանգության ուժերին, սակայն ահաբեկչական հարձակումները չեն դադարում: Վերջին աղմկահարույց ահաբեկչությունը տեղի է ունեցել սեպտեմբերի 20-ին, երբ սպանվել է այդ երկրի նախկին նախագահ Բուրհանուդդին Ռաբբանին:
