«Հոկտեմբերի 3-ին Միլանի դատարանը հետաձգեց երկրի վարչապետ Սիլվիո Բեռլուսկոնիի դեմ դատալսումները, որի շրջանակներում վերանայվելու էր նրան ներկայացված մեղադրանքը»,- հաղորդում է Reuters-ը:
Կառավարության ղեկավարին մեղադրում են անչափահասի հետ ինտիմ կապ ունենալու մեջ:
Բեռլուսկոնիի իրավապաշտպանները խնդրել են գործի լսումները տեղափոխել մինչև փետրվար, երբ Իտալիայի գերագույն դատարանը որոշում կկայացնի, թե դատավորներից որ մեկը կունենա բավական լիազորություններ՝ վարչապետին դատելու համար:
Տեղի դիտորդների կարծիքով՝ դատավարության հետագձումը կարող է ձեռնտու լինել վարչապետին, ով այս պահին այնքան էլ լավ վիճակում չի գտնվում՝ երկրի տնտեսությունը ճգնաժամ է ապրում, կուսակցությունից հեռանում են համախոհները, իսկ իրեն էլ կասկածում են քրեական հանցագործությունների մեջ:
Ինչպես հայտնի էր դարձել ավելի վաղ, Բեռլուսկոնիի կուսակցությունից հեռացել է հին քաղաքական դաշնակից Սանչո Վերսաչին: Բացի այդ, քննիչները հետաքննում են մի քանի քրեական գործեր, որոնք կապված են վարչապետի նախկին և ներկայիս դաշնակիցների հետ: Վերջիններս կասկածվում են տարբեր հանցագործություններ կատարելու մեջ` ընդհուպ մինչև մաֆիայի հետ կապ ունենալը:
