Երկխոսությունը վերսկսելու ՀԱԿ-ի առաջարկը իշխանությունները դեռ չեն քննարկել և պատասխանը հայտնի կլինի միայն քննարկումից հետո: Ինչպես այսօր ասուլիսի ժամանակ հայտարարեց ՀՀԿ պատգամավոր Գագիկ Մինասյանը, Լևոն Զուրաբյանը երեկ փոխանցել է, որ «կասեցնում է իրենց կողմից երկխոսության կասեցումը, և մենք միշտ կողմ ենք եղել երկխոսությանը, որովհետև ներքաղաքական խնդիրների կարգավորման ամենաարդյունավետ միջոցը երկխոսությունն է»:
«Ցավոք, մեր գործընկերները ընդհատեցին, և վերսկսումը ևս մեկ անգամ խոսում է այն մասին, որ կասեցումը անհիմն էր»,- ասաց Գ. Մինասյանը՝ հավելելով, որ ինքը պարզաբանումների է սպասում` ինչով էր պայմանավորված այդ կասեցումը. «Կարծեք թե ձևավորվել էր հարթակ, որտեղ տարբեր տեսակետներ ունեցող քաղաքական ուժեր գնում էին այն խնդիրների ուսումնասիրությանը, որոնք առաջնահերթ են ՀԱԿ-ի համար: Ո՞ւմ էր կասեցման գործընթացը ձեռնտու, և զգո՞ւմ է ՀԱԿ-ը իր պատասխանատվությունը»:
Ըստ Գ. Մինասյանի՝ երկխոսությունը պետք է հասներ տրամաբանական ավարտի: Նա նշեց, որ երկխոսության վերսկսման հարցը իշխանությունները կքննարկեն երկուշաբթի:
