Իսրայելական Zman կայքը, վկայակոչելով թուրքական լրատվամիջոցները, հայտնում է, որ ԱՄՆ-ը մտադիր է Թուրքիային հանձնել «Կոբրա» տիպի 3 մարտական ուղղաթիռ։ Այս մասին հայտարարել է Անկարայում ԱՄՆ դեսպանը։
Նշվում է, որ ներկայումս Թուրքիան նոր ուղղաթիռների կարիք ունի, քանի որ նրա ռազմաօդային ուժերը վերջին ամիսներին մի քանի մարտական ուղղաթիռ են կորցրել քուրդ ապստամբների դեմ պայքարում։
Դեռևս հայտնի չէ՝ ԱՄՆ-ը Թուրքիային կտրամադրի նո՞ր, թե՞ օգտագործված ուղղաթիռներ։
Հիշեցնենք, որ թուրքական կողմի հետ ձեռք բերված պայմանավորվածության համաձայն՝ ԱՄՆ-ը Իրաքը լքելուց հետո իր Predator («Գիշատիչ») անօդաչու թռչող սարքերը տեղակայելու է Թուրքիայի «Ինջիրլիք» ավիաբազայում։