Հայկական ատոմակայանի 158 աշխատակիցների` աշխատավարձը բարձրացնելու դիմումի ուսումնասիրությունը դեռ չի ավարտվել: Այս մասին այսօր տեղեկացանք էներգետիկայի և բնական պաշարների նախարարի մամուլի քարտուղար Լուսինե Հարությունյանից:
Հիշեցնենք, որ ատոմակայանի 158 աշխատակիցներ դիմում են ներկայացրել ատոմակայանի տնօրինությանը` խնդրելով բարձրացնել իրենց աշխատավարձը, այլապես դուրս կգան աշխատանքից: Դիմում գրած աշխատակիցները դեռևս մեկ ամիս առաջ Սերժ Սարգսյանին, ՀՀ էներգետիկայի և բնական պաշարների նախարար Արմեն Մովսիսյանին և ՀԱԷԿ ղեկավարությանը դիմում են ներկայացրել ու խնդրել բարձրացնել աշխատավարձերը` նշելով, որ գների վերջին բարձրացումներից հետո 120 կամ 150 հազար դրամ աշխատավարձով չեն կարող իրենց ընտանիքների սոցիալական խնդիրները լուծել:
Լուսինե Հարությունյանից հետաքրքրվեցինք նաև, թե մոտավորապես ե՞րբ ատոմակայանի աշխատակիցների դիմումին կարձագանքեն, ինչին ի պատասխան նա ասաց. «Չեմ կարող ասել, երբ որոշումը կայացվի՝ կտեղեկացնեք»:
