40-ամյա Դինորա Ռոդրիգեսը Լոս Անջելեսից էսթետիկական վիրաբուժության ճանաչված կենտրոնում դարձել է բժշկական սխալի զոհ: Պլաստիկ վիրաբույժը, որը կատարում էր սիլիկոնային ներդիրների փոխարինում, սխալմամբ միմյանց է կարել ստինքները: Իսկ կոպերի վիրահատությունից հետո հիվանդն ընդհանրապես չի կարողանում փակել աչքերը: Այս մասին գրում է The Daily Mail-ը:
Պլաստիկ վիրաբույժների ամերիկյան խորհուրդը այս պատմությունը որոշել է օգտագործել, որպեսզի հասարակությանը պատմի ոչ մասնագիտացված վիրաբույժների հետ աշխատանքի վնասակարության մասին: Խորհրդի ներկայացուցիչների խոսքերով` մասնագետի հագին սպիտակ խալաթի առկայությունը դեռ չի վկայում նրա վարպետության աստիճանի մասին: Ինչ վերաբերում է Դինորա Ռոդրիգեսին, ապա հայտնի է հեռևյալը. վիրահատության ժամանակ բժիշկն այնպես է կարել կրծքերի ներդիրները, որ նրանք միջնամասում կպել իրար` թողնելով մեկ կրծքի տպավորություն: Վիրաբույժը վնասել է մկաններն ու նյարդերը, ինչը սուր ցավերի պատճառ է դարձել:
Վիրաբույժը նաև վիրահատություն է իրականացրել աչքերի վրա, սակայն նրան այդ մասին չեն էլ խնդրել: Արդյունքում կնոջ աչքերը չեն փակվում, և, ըստ մասնագետների, վիրաբուժական ոչ մի միջամտություն չի օգնի: Հիմա կինը պետք է անընդհատ աչքերի մեջ կաթիլներ կաթացնի, որպեսզի դրանք չչորանան:
