Մեծ աղմուկով վնասազերծված զինված բանդայի պարագլուխ Արտյուշա Հակոբյանին կալանավորելուց հետո «Ժողովուրդ»-ի լավատեղյակ աղբյուրներից հայտնի է դարձել, որ նրա կինը ևս ձերբակալվել է, ապա երկու ամսով կալանավորվել և տեղափոխվել Աբովյանի կալանավայր: Ըստ լուրերի` վրացահայ Մարինա Հակոբյանը ոստիկանների կողմից իրենց տանը հայտնաբերված դեղերից մեկն իր «վրա է վերցրել», որ ամեն ինչ չբարդվի ամուսնու վրա: Այս լուրը թերթի հետ զրույցում հաստատել է նաև Արտյուշայի հայրը` Սուրիկ Հակոբյանը` բացառությամբ հարսի կալանավորման պատճառի:
«Ի դեպ, Գառնու «Սուրիկի լավաշ»-ի Սուրեն Հակոբյանը «Բարգավաճ Հայաստան» կուսակցության Գառնու տարածքային կառույցի ղեկավարն է: Իսկ զինված բանդայի պարագլուխ Արտյուշը` Սուրենի որդին, ընտրությունների ժամանակ Դաշնակցության ներկայացուցչի կողմից դանակահարվել է ԲՀԿ-ի օգտին աշխատելու համար»,- հավելում է թերթը: