Թայվանի հեռուստաընկերություններից մեկը յուրահատուկ կերպով բացատրել է Ռուսաստանի վարչապետ Վլադիմիր Պուտինի և նախագահ Դմիտրի Մեդվեդևի քաղաքական հնարավոր «տեղափոխությունների» մասին:
Հեռուստաալիքը կարճ մուլտֆիլմ է պատրաստել այս կապակցությամբ` պարզ և հումորային տարբերակով բացատրելով, թե ինչ է տեղի ունեցել: Մուլտֆիլմում խոսվում է Ռուսաստանի վերջին տասնամյակների պատմության մասին` ծաղրելով երկրի բոլոր երեք նախագահներին:
Մուլտֆիլմում ՌԴ նախկին նախագահ Բորիս Ելցինը հարբած և օղու շիշը ձեռքին ընկնում է գետնին: Նրան փոխարինում է Վլադիմիր Պուտինը, ով կարճ ժամանակահատվածում կարգուկանոն է հաստատում երկրում` լուծելով օլիգարխների և Չեչնիայի հարցերը: Պուտինին մուլտֆիլմում օգնում է պողպատյա ձեռքը:
Երբ նախագահի պաշտոնում հայտնվում է Դմիտրի Մեդվեդևը, ապա նրա բոլոր գործողությունները տնօրինում է վարչապետ Պուտինը:
Մուլտֆիլմը երկուշաբթի օրը ցուցադրվել է Թայվանի հեռուստատեսային եթերում:
