Ռուսական Regnum լրատվական գործակալության փոխանցմամբ՝ ադրբեջանցի իրավապաշտպան Մալախատ Նասիբովոյը հայտարարել է, որ Նախիջևանի Ինքնավար Հանրապետության (ՆԻՀ) 400,000 բնակիչներից ավելի քան 250,000-ը արտագաղթել են Բաքու, Թուրքիա, Ռուսաստան և այլ երկրներ.
«Մարդիկ հեռանում են քաղաքական հետապնդումների, սահմանափակ տնտեսական գործունեության, գործազրկության բարձր մակարդակի, կյանքի բոլոր ոլորտներում ինքնավարության ղեկավար Վասիֆ Թալիբովի կլանի հաստատած մենատիրության պատճառով։ ՆԻՀ-ում քաղաքական ազատությունների կոշտ ճնշումը պայմանավորված է հասարակական կյանքից նախիջևանցիների չեզոքացմամբ, որոնք Ադրբեջանի հեղափոխական գործընթացներում մշտապես հանդես են եկել կատալիզատորի դերում»։
ՆԻՀ-ի բնակիչների կարծիքով՝ ինքնավարությունում օրեցօր վատթարանում է մարդու իրավունքների պաշտպանվածության շուրջ տիրող իրավիճակը։ ՆԻՀ-ից արտագաղթած Սուլհեդին Աքպերը դիմել է միջազգային հանրությանը՝ պահանջելով պատժամիջոցներ սահմանել ՆԻՀ-ի բարձրաստիճան պաշտոնյաների նկատմամբ՝ ներառյալ նրանց արտերկրյա հաշիվների շրջափակումն ու անցագրի հատկացման մերժումը։
Նախիջևանյան ծագում ունեցող ընդդիմադիր քաղաքական գործիչ Իբրահիմ Իբրահիմլին իր հերթին հայտարարել է, որ վերջին տարիներին ՆԻՀ-ը սկսել է մարմնավորել Ադրբեջանի բոլոր շրջաններում գոյություն ունեցող բռնապետության բուրգը։
