«Բերտ» փոթորկի պատճառով Ֆրանսիայում սահմանափակվել է երկաթուղային հաղորդակցությունը: Այս մասին հաղորդում է Le Figaro-ն:
Ըստ հրապարակման՝ SNCF երկաթուղային ընկերությունը նախազգուշացնում է էլեկտրագնացքների երթևեկության չեղարկման և արագընթաց գնացքների երթևեկության սահմանափակման մասին։ Բացի այդ, առանձին գծերում սահմանվել է առավելագույն արագություն։
Այս միջոցառումները վերաբերելու են Օվեռն Ռոն Ալպերի տարածաշրջանի մեծ մասին:
Սաստիկ քամիների պատճառով երկրի կենտրոնական և արևելյան հատվածների ինը դեպարտամենտում գործում է եղանակային վտանգի «նարնջագույն» մակարդակ։ Ըստ օդերևութաբանների տվյալների՝ քամու արագությունն այնտեղ կարող է հասնել 33 մ/վրկ-ի։
