Ոսկու գները սեպտեմբերի 26-ին նվազել են միանգամից 6.4%-ով` կազմելով 1,552 $/տր.ունցիա: Այս մասին գրում է The Financial Times-ը` հավելելով, որ վերջին 4 օրերի ընթացքում ոսկու գինը նվազել է 13.%-ով, իսկ վերջին 3 շաբաթների ընթացքում` 19%-ով (երեք շաբաթ անց դոլարի գինը կազմում էր 1,920 $/տր.ունցիա): Վերջին երկու օրերի անկումը Bloomberg գործակալությունն անվանում է ամենամեծը՝ սկսած 1983 թվից:
Ավելի շատ են նվազել արծաթի գները: Սեպտեմբերի 26-ին դրանք ընկել են 13%-ով, իսկ վերջին 4 օրերի ընթացքում` 32%-ով: Նշվում է, որ ներդրողները սովորաբար թանկարժեք մետաղները գնում են այն ժամանակ, երբ խնդիրներ կան բորսաների շուկաներում: Ներդրողների մեծ մասը անկայունության վերջին շրջանում մեծ քանակությամբ թանկարժեք մետաղներ են գնել, և հիմա շուկաներում զգացվում է կանխիկ գումարի պահանջ, դրա համար նրանք սկսել են վաճառել ոսկու և արծաթի մի մասը:
