Ռուսաստսանը հրաժարվել է Ուկրաինային ամեն կերպ Մաքսային միություն մտցնելու գաղափարից և պատրաստ է քննարկել է Ուկրաինայի գազատրանսպորտային համակարգի հիման վրա, ԵՄ մասնակցությամբ, գազային կոնսորցիում ստեղծելու հարցը: Այս մասին գրում է Коммерсaнт-ը:
Թերթին հաջողվել է մի շարք հետաքրիր տեղեկություններ հաղորդել սեպտեմբերի 25-ին Ուկրաինայի նախագահ Վիկտոր Յանուկովիչի Մոսկվա այցելության մասին, որտեղ նա հանդիպել է նախագահ Մեդվեդևին հետ։ Նրանց հետագայում միացել է նաև վարչապետ Պուտինը, որը նույն օրն առաջադրվել էր որպես այդ երկրի ղեկավարի թեկնածու:
Հիշեցնենք, որ Ուկրաինայի նախագահը Մոսկվա էր եկել ռուս-ուկրաինական գազային պայմանագրերը վերանայելու համար, քանի որ Տիմոշենկոյի կողմից ստորագրված պայմանագրերը, ուկրաինական կողմի կարծիքով, չեն բխում այդ երկրի շահերից և տնտեսապես անարդյունավետ են: Ուկրաինացի մի դիվանագետ, որը մասնակցել է բանակցություններին, ասել է, թե «նայելով Ուկրաինայի նախագահ Վիկտոր Յանուկովիչին` դժվար է պատկերացնել, որ նա կզիջի»: Կողմերը համաձայնել են շեշտը դնել գազային խնդիրների վրա: Ուկրաինայի կողմից նախկինում արված առաջարկը, համաձայն որի՝ պետք է ստեղծվեր եռակողմ գազային կոնսորցիում, մեծ ոգևորություն չէր առաջացրել Ռուսաստանում: Սակայն այս անգամ ռուսները համաձայնել են նման տարբերակի և պատրաստվում են հոկտեմբերի կեսին քննարկել նման ձևաչափը:
