Բջջային ծառայություններ մատուցող ճապոնական DoCoMo ընկերությունն արտադրել է սմարթֆոնների համար նախատեսված պատյաններ, որոնց օգնությամբ կարելի է պարզել ռադիացիայի մակարդակը:
Ինչպես հայտնում է newsru.com-ը, Ճապոնիայում այս տարի տեղի ունեցած երկրաշարժի և դրան հաջորդած ցունամիի հետևանքով «Ֆուկուսիմա-1» ատոմակայանի վթարից հետո ճապոնացիների համար ռադիացիայի մակարդակը խիստ մտահոգիչ է դարձել, ինչն էլ պատճառ է հանդիսացել DoCoMo ընկերության կողմից նման պատյաններ արտադրելու համար:
Սմարթֆոնների պատյանները, բացի ռադիացիայի մակարդակից, ցույց կտան նաև որոշակի ժամանակահատվածում անձի կողմից ծախսված կալորիաների չափը: Բոլոր տվյալները զետեղված կլինեն սմարթֆոնների էկրաններին:
Առայժմ հայտնի չէ, թե նոր պատյանները երբ կհանվեն վաճառքի:
