Այսօր ՖԻՖԱ-ն հրապարակել է հավաքականների նոր վարկանիշային աղյուսակը, համաձայն որի՝ Հայաստանի ընտրանին (610 միավոր), ինչպես և ավելի վաղ կանխատեսվում էր, բարձրացել է միանգամից 27 հորիզոնականով (154 միավորանոց աճ) և իր պատմության ընթացքում առաջին անգամ ընդգրկվել լավագույն 50-յակում՝ հանգրվանելով 44-րդ հորիզոնականում։
«Եվրո-2012»-ի ընտրական փուլի B խմբում Հայաստանի հավաքականի հետ ընդգրկված թիմերից առաջադիմել է նաև Իռլանդիայի ընտրանին (749 միավոր). Տրապատոնիի սաները նախկին 31-րդ տեղի փոխարեն զբաղեցրել են 29-րդ տեղը (5 միավորի անկում): Ռուսաստանը (954 միավոր) մնացել է նույն 13-րդ տեղում (14 միավորանոց աճ), Սլովակիան (662 միավոր) նահանջել է 13 տեղով (144 միավորի անկում)` զբաղեցնելով 39-րդ հորիզոնականը, Մակեդոնիան (366 միավոր), իր հերթին, նահանջել է 4 տեղով (8 միավորանոց աճ) և զբաղեցրել 94-րդ հորիզոնականը: Անդորրան (0 միավոր) կրկին վերջին` 203-րդ հորիզոնականում է:
Լավագույն տասնյակում ընդգրկվել են Իսպանիան՝ 1605 միավոր, Հոլանդիան՝ 1571 միավոր, Գերմանիան՝ 1290 միավոր, Ուրուգվայը՝ 1184 միավոր, Պորտուգալիան՝ 1158 միավոր, Իտալիան՝ 1142 միավոր, Բրազիլիան՝ 1132 միավոր, Անգլիան՝ 1089 միավոր, Խորվաթիան՝ 1057 միավոր, Արգենտինան՝ 1024 միավոր։
Հայաստանի հարևաններից Ադրբեջանը (359 միավոր) 14 հորիզոնականով վեր է բարձրացրել և զբաղեցրել 98-րդ տեղը (87 միավորանոց աճ), Վրաստանը (499 միավոր) նահանջել է 1 հորիզոնականով՝ զբաղեցնելով 64-րդ տեղը (23 միավորի անկում), Թուրքիան (754 միավոր) նահանջել է 3 տեղով՝ հանգրվանելով 27-րդ հորիզոնականում (57 միավորի անկում) և վերջապես Իրանը (576 միավոր) 3 հորիզոնականի առաջընթաց է գրանցել՝ հայտնվելով 50-րդ տեղում (17 միավորանոց աճ)։
Հիշեցնենք, որ մինչ այս Հայաստանի հավաքականն իր լավագույն արդյունքը գրանցել էր 2010 թվականի նոյեմբերին` 59-րդ հորիզոնական:
1. Իսպանիա – 1605 (միավոր)
2. Հոլանդիա – 1571
3. Գերմանիա – 1290
4. Ուրուգվայ – 1184
5. Պորտուգալիա – 1158
6. Իտալիա – 1142
7. Բրազիլիա – 1132
8. Անգլիա – 1089
9. Խորվաթիա – 1057
10. Արգենտինա – 1024
13. Ռուսաստան – 954
29. Իռլանդիա – 749
39. Սլովակիա – 662
44. ՀԱՅԱՍՏԱՆ – 610
56. Բելառուս – 554
58. Էստոնիա – 537
60. Ուկրաինա – 531
64. Վրաստան – 499
Լուսանկարը` ՀՖՖ պաշտոնական կայքի
