Թուրքական Zaman թերթի փոխանցմամբ՝ այսօր Թուրքիայի նախագահ Աբդուլլահ Գյուլը հանդիպել է Գերմանիայի կանցլեր Անգելա Մերկելի հետ։ Վերջինս հերթական անգամ դեմ է արտահայտվել ԵՄ-ին Թուրքիայի անդամակցությանը՝ միևնույն ժամանակ ընդգծելով Անկարայի և Բեռլինի գործընկերության կարևորությունը։
Բացի այդ, հանդիպման ժամանակ կողմերը քննարկել են երկկողամնի համագործակցությանն առնչվող հարցերի լայն շրջանակ, Հյուսիսային Աֆրիկայի ու Մերձավոր Արևելքի զարգացումները։
Մերկելն իր անհնագստությունն է հայտնել թուրք-իսրայելական հարաբերությունների կտրուկ վատթարացման կապակցությամբ։
Հիշեցնենք, որ Անգելա Մերկելը, Ֆրանսիայի նախագահ Նիկոլա Սարկոզիի հետ մեկտեղ, ԵՄ-ին լիիրավ անդամակցության փոխարեն, Թուրքիային առաջարկում է «արտոնյալ գործընկերություն», որի հեղինակը Մերկելն է: Սակայն Թուրքիան դա վիրավորական է համարում` նշելով, որ ինքն արդեն իսկ արտոնյալ հարաբերությունների մեջ է ԵՄ-ի հետ։