Չեխական լրատվամիջոցները քննարկում են երկրի արտգործնախարար Կարել Շվարցենբերգի պահվածքը Բելգրադում տեղի ունեցած միջազգային ֆորումի ժամանակ: Նախարարը քնել էր մամլո ասուլիսի ընթացքում, մինչ նրա գործընկերները ելույթ էին ունենում: Այս մասին հայտնում է Vesti.ru-ն:
Վերադառնալով հայրենիք` Շվարցենբերգը ստիպված է եղել ներողություն խնդրել լրագրողներից և իր գործընկերներից: Չեխական թերթերից մեկին տված հարցազրույցում նա ասել է, որ տոթ սենյակներում միշտ քունը տանում է և ավելացրել է. «Փորձում եմ հետևել, որ ոչ մի կարևոր բան բաց չթողնեմ, սակայն դա ոչ միշտ է ստացվում»:
Շվարցենբերգը հնագույն իշխանական տոհմի ներկայացուցիչ է և ունի ազնվական մի շարք տիտղոսներ: Նա իր երկրում ազնիվ և անկաշառ գործչի համբավ է վայելում:
