Ուկրաինայի զինված ուժերը ձգտում են կառուցել պաշտպանական գիծ, որը նման է այն ամրաշինական համակարգին, որը ռուս զինվորականները ստեղծել են ավելի քան մեկ տարի առաջ: Այդ մասին հայտնում է The Wall Street Journal-ը (WSJ): 2023 թվականին հակահարձակման փորձի ժամանակ Ուկրաինայի Զինված ուժերը «խճճվել են ռուսական զորքերի կողմից խոչընդոտների բարդ ցանցի մեջ, որը գրեթե անհնար էր հաղթահարել»։ Ռուսաստանի պաշտպանությունը բաղկացած էր կառույցների բազմաշերտ գծերից՝ հակատանկային ամրություններ, խրամատներ ու խրամուղիներ։ Այժմ ուկրաինացի զինվորականները «փորձում են կրկնել այն խոչընդոտները, որոնք Ռուսաստանը ստեղծել էր իր ճակատային հատվածում ավելի քան մեկ տարի առաջ»։