Սիրիայի մայրաքաղաք Դամասկոսում մոտ 300 ընդդիմադիրներ կառավարական ուժերի դեմ պայքարի նոր մարտավարություն մշակելու նպատակով ժողով են հրավիրել: Ինչպես հայտնում է BBC-ն, իշխանություններն առայժմ չեն միջամտում հանդիպմանը, որտեղ հավաքվել են ինչպես երկար տարիներ ազատազրկման դատապարտված նախկին ընդդիամդիրներ, այնպես էլ այս տարի հակակառավարական ցույցերի մասնակից ընդդիմադիրների նոր սերնդի ներկայացուցիչներ:
Հիշեցնենք, որ Սիրիայիում հակակառավարական ցույցերը շարունակվում են արդեն 6 ամիս: Իշխանությունները հայտարարում են, որ պայքարում են երկիր ներթափանցած ահաբեկիչների դեմ, մինչդեռ տեղի իրավապաշտպանները անվտանգության աշխատակիցներին մեղադրում են ցուցարարների վրա կրակ բացելու մեջ: Զոհերի թիվն աճում է, մարտ ամսից շարունակվող բախումների արդյունքում արդեն զոհվել է 2.600 մարդ:
