NATO-ի հրամանատարությունը հերքել է Մուամար Քադաֆիի ներկայացուցչի տարածած այն տեղեկությունը, որ Հյուսիսատլանտյան դաշինքի ուժերի կողմից Սիրթ քաղաքի ռմբակոծության ժամանակ սպանվել է 354 խաղաղ բնակիչ:
Ինչպես հայտնում է BBC-ն, դաշինիքի ներկայացուցիչը նշել է, որ նման մեղադրանքները որևէ հիմք չունեն:
NATO-ի ուժերը երեկ մի շարք գործողություններ են իրականացրել և ոչնչացրել են Սիրթ քաղաքի կապի 5 հանգույցներ, ռադիոլոկացիոն 3 կայաններ, 4 զրահամեքենաներ և հրթիռներ: NATO-ի պաշտոնական հայտարարության մեջ ասվում է, որ գործողությունները սկսվել են այն ժամանակ, երբ տեղեկություններ են ստացվել, որ Քադաֆիի կողմնակիցները հարձակվել են Սիրթ քաղաքի բնակիչների վրա:
Հիշեցնենք, որ Քադաֆիի ծննդավայր Սիրթ քաղաքը գտնվում է նրա կողմնակիցների հսկողության տակ:
