Այսօր ԵՊՀ նիստերի դահլիճում տեղի ունեցավ ԵՊՀ գիտական խորհրդի ընդլայնված նիստ և գիտաժողով՝ նվիրված Հայաստանի Հանրապետության անկախության 20-ամյա հոբելյանին:
Գիտաժողովին բացման խոսքով հանդես եկավ ԵՊՀ ռեկտոր Արամ Սիմոնյանը, ով նշեց, որ այս օրերին ուսանողներն այցելում են հերոսամարտի վայրեր, Եռաբլուր և զորամասեր:Միջոցառումները շարունակվելու են մինչև տարեվերջ:
Արամ Սիմոնյանը նկատեց, որ այս օրերին բոլորս անխտիր մտածում ենք մեր ժողովրդի վերջին քսան տարում անցած ուղու մասին. «Մտովի հիշում ենք այն իրադարձությունները, որոնց ականտես ենք եղել շատերս: Շատ եմ մտածում՝ որն է գաղտնիքը, որ թույլ է տալիս մեր ժողովրդին պայքարել և հասնել անկախության:Գաղտնիքը որն է, որ մեր հարևաններից շատ-շատերը այսօր, ցավոք, գյություն չունեն, ժողովուրդներից շատ-շատերը վերացել են երկրի երեսից, բայց մեր ժողովուրդը պայքարում և մաքառում է իր անկախության, գոյության համար»:
Նկատելով, որ հաճախ մոռանում ենք դադար տալ և խորհել, թե երկարակեցության, մաքառման գործում ինչ ուժեր են ներդրվել, որը թույլ է տալիս մեր ժողովրդին պայքարել այս բարդ ևորոգայթներով լեցուն երկրի վրա, Արամ Սիմոնյանն ասաց, որ, ամենայն հավանականությամբ, չենք կարող այդ հարցի պատասխանը միանշանակ գտնել, բայց մի քանի դիտարկում արեց:Այդ կարևոր հանգամանքերից են, ըստ նրա, այն, որ մեր ազգը մշտապես որոնումների և արարումների մեջ է:Ավելին՝«հղիությունը և հղացումը մեր ժողովրդի համար բնավորության գիծ է»:
Խոսելով ներկայիս խնդիրների մասին՝ Արամ Սիմոնյանը մեջբերեց Իտալիայի օրինակը, երբ անկախացումից հետո Անձինին հայտարարեց, որ մենք հասնաք անկախության, բայց մեր հաջորդ կարևոր քայլն այն է, որ զրոյից ստեղծենք քաղաքացիական հասարակություն: Ռեկտորը նաև նկատեց, որ մեզանից է կախված մեր երկրի ապագան:Վերջում շնորհավորելով բոլորին՝ մաղթեց, որ Աստծո աջը միշտ մեր ժողովրդի վրա լինի:
Ի դեպ, գիտաժողովին պետք է ներկա լինեին ևողջույնի խոսքով հանդես գային պաշտպանության նախարար Սեյրան Օհանյանը և ԿԳ նախարար Արմեն Աշոտյանը, սակայն նրանք չեկան:
Գիտաժողովին ներկա էին Հայաստանի Հանրապետության անկախության կայացման գործում ներդրում ունեցած հասարակական և քաղաքական գործիչներ:
