Գազայի հատվածում Իսրայելի գործողության շարունակությունը կհանգեցնի հակամարտությունների տարածմանն ամբողջ աշխարհում։ Այս մասին ասված է Թուրքիայի Ազգային անվտանգության խորհրդի հայտարարության մեջ, որի նիստը վարել է այդ երկրի նախագահ Ռեջեփ Թայիփ Էրդողանը։
«Գազայում Իսրայելի շարունակվող ջարդերը կհանգեցնեն տարածաշրջանում խաղաղության, անվտանգության և փխրուն հավասարակշռության անուղղելի վատթարացմանը, ինչպես նաև հակամարտությունների տարածմանը», – ասվում է հայտարարության մեջ:
Բացի այդ, ընդգծվում է «միջազգային համակարգը բարեփոխելու հրատապ անհրաժեշտությունը՝ իր բոլոր ինստիտուտներով և կանոններով, հատկապես ՄԱԿ-ը», քանի որ այն ի վիճակի չէ «կանխելու մարդկության դեմ կատարված հանցագործությունները Գազայում»։
Իսրայելի ղեկավարության ներկայացուցիչները բազմիցս նշել են իրենց վճռականությունը՝ շարունակելու ռազմական գործողությունը Գազայի հատվածում «մինչև լիակատար հաղթանակ»:
