Իսրայելական Mig News-ի փոխանցմամբ՝ Կիպրոսի կառավարությունը հայտարարել է, որ շարունակելու է շրջափակել ԵՄ-ին Թուրքիայի անդամակցության բոլոր փորձերը։
Կիպրոսի կառավարության մամլո ներկայացուցիչ Ստեֆանո Ստեֆանուն հայտարարել է, որ դա այնքան է տևելու, քանի դեռ Անկարան շարունակում է Կիպրոսի գազային նախագծերի դեմ ուղղված իր սպառնալիքներն ու շանտաժը.
«Կիպրոսի դիրքորոշումը փոփոխություն չի կրել։ Թուրքիան պետք է անհապաղ դադարեցնի Կիպրոսի դեմ բոլոր սադրանքները և հրաժարվի Կիպրոսի գազային նախագծերը սաբոտաժի ենթարկելու փորձերից»։
Հիշեցնենք, որ ավելի վաղ թուրքական կողմը սպառնացել էր իր ռազմանավերն ուղարկել Միջերկրական ծովի արևելյան հատված, եթե Կիպրոսն ու Իսրայելը վճռեն համատեղ գազի արդյունահանման գործընթաց ձեռնարկել։
