Երևանի նախկին քաղաքապետ Հայկ Մարությանի ելույթն ավագանու նիստում երկարաձգվեց, սակայն նա շարունակում էր խոսել նախատեսված 5 րոպե ժամանակն սպառվելուց հետո։
Երևանի քաղաքապետ Տիգրան Ավինյանը հիշեցրեց, որ ելույթի համար նախատեսված է 5 րոպե, ինչին ի պատասխան Հայկ Մարությանն ասաց, որ անգիր գիտի կանոնակարգը։
Ավինյանը նշեց, որ Մարությանն իր ելույթում խոսի այն թեմայի մասին, որը քննարկվում է ավագանու նիստում. «Սա մոնոներկայացում չէ, սա ավագանու նիստ է, հարց ենք քննարկում։ Եկեք այս կետում սպառենք։ Խախտում եք կանոնակարգը։ Այստեղ վերին արտի ցորեն չկա, չի կարելի 2-3 նիստ բացակայել, հետո գալ ու 40 րոպե ելույթ ունենալ»,- ասաց Ավինյանը։
