ГрузияOnline-իփոխանցմամբ՝ Վրաստանի նախագահ Միխեիլ Սաակաշվիլին այսօր ուկրաինական Сегодня թերթին տված հարցազրույցի ժամանակ կատարյալ համոզվածություն է հայտնել, որ թե՛ Վրաստանը, թե՛ Ուկրաինան վաղ թե ուշ անդամակցելու են ՆԱՏՕ-ին.
«Ես կարծում եմ, որ հաջորդ տարի մենք առաջընթաց կգրանցենք տվյալ գործընթացում։ Հուսով եմ, որ Չիկագոյում կայանալիք գագաթնաժողովը կգնահատի այն աճը, որը Վրաստանը գրանցել է բարեփոխումների շնորհիվ։
Ես կատարելապես համոզված եմ, որ թե՛ Վրաստանը, թե՛ Ուկրաինան վաղ թե ուշ անդամակցելու են ՆԱՏՕ-ին։ Ես կարծում եմ, որ դա տեղի է ունենալու ավելի շուտ, քան շատերը ենթադրում են։ Ես միաժամանակ տրամադրված եմ իրատեսականորեն ու լավատեսորեն»։
Հիշեցնենք, որ երկու օր առաջ էլ Վրաստանի խորհրդարանի խոսնակ Դավիթ Բաքրաձեն էրանդրադարձել ՆԱՏՕ-ին Վրաստանի անդամակցության խնդրին.
«Վրաստանը դառնալու է ՆԱՏՕ-ի անդամ, և մենք պատրաստ ենք դրան։ Վերջին տարիներին մենք շատ ենք աշխատել այդ ուղղությամբ։ Ես կարող եմ համարձակորեն ասել, որ Վրաստանը գործնականում համապատասխանում է ՆԱՏՕ-ի բոլոր գործնական պահանջներին,որոնք անդամակցության համար ներկայացվում են թեկնածու երկրին։
Սակայն ՆԱՏՕ-ին անդամակցելու գործընթացն արագ ու հեշտ չի լինի։ Մենք կփորձենք արագացնել այդ գործընթացը, և ՆԱՏՕ-ի գլխավոր քարտուղարի նոյեմբերյան այցը մեր երկիր կնպաստի դրան»։