Իլհամ Ալիևը լուրջ խոչընդոտներ չի տեսնում Բաքվի և Երևանի միջև խաղաղության համաձայնագրի ստորագրման համար:
«Շուրջ երեք տարվա բանակցային գործընթացի ընթացքում Հայաստանը մշտապես ցանկացել է խաղաղության համաձայնագրի մեջ ներառել Ղարաբաղում հայկական փոքրամասնությանը վերաբերող դրույթ»,- ասել է Ադրբեջանի նախագահը euronews-ին տված հարցազրույցում:
«Քանի որ նրանք ցանկանում են, որ ներառվի Ադրբեջանում հայկական փոքրամասնության հարցը, ապա եկեք ներառենք նաև երեսուն տարի առաջ Հայաստանից վտարված ադրբեջանական փոքրամասնության հարցը այդ երկրում։ Իսկ Հայաստանում ադրբեջանցիներն ավելի շատ էին՝ մոտ 300 հազար մարդ», – նշել է նա՝ հավելելով, որ ամեն ինչ պետք է փոխադարձ լինի, հակառակ դեպքում, Բաքուն չի ընդգրկի այդ հարցը խաղաղության պայմանագրում:
«Եթե Հայաստանը համաձայնի կամ նույն ձևակերպումը կիրառի, կամ ընդհանրապես չներառվի այդ հարցը, ապա խաղաղությունը հասանելի կդառնա»,- ասել է Ալիևը:
