Արամ Կարապետյան. «Չեմ տեսնում այդ հռչակագրի կատարման հնարավորությունը»

«Նոր ժամանակներ» կուսակցության ղեկավար Արամ Կարապետյանը «Առաջին լրատվականի» հետ զրույցում անդրադարձավ ԼՂ հարցով Աստանայում ընդունված հռչակագրին: «Ես նախկինում էլ էի ասել` Աստանայում հռչակագրի նման մի բան է ստորագրվելու, սակայն ես չեմ տեսնում այդ հռչակագրի կատարման հնարավորություն: Այնտեղ կան մի քանի դրույթներ, որոնց իրականացումը չեմ տեսնում, օրինակ` հանրաքվեն, փաստականների վերադարձը և այլն»,- նշեց Կարապետյանը: Ըստ նրա` տարածքային ամբողջականություն և ազգերի ինքնորոշման իրավունքի սկզբունքները մինչև հիմա իրար հետ համատեղ չեն լուծվել կոնֆլիկտային իրավիճակներում: «Ազգերի ինքնորոշման իրավունքն ավելի բարձր դասվեց Կոսովոյում, և աշխարհը ճանաչեց Կոսովոյի անկախությունը: Բայց դա արվում էր ԱՄՆ ճնշման տակ»,- նշեց նա: